Xhamia Sulltan Ahmet, e njohur edhe si “Xhamia e Blu” ndodhet në afërsi të Aja Sofisë,
përballë hipodromit të lashtë dhe pallatit mbretëror bizantin. Është ndërtuar në periudhën
Osmane, me kupola karakteristike e me gjashtë minare. Radhitet ndërmjet objekteve
fetare me mahnitëse në gjithë botën. Në arkitekturën e saj mbizotëron elementi klasik
osman i përzier edhe me pak elemente bizantine. Brendia e xhamisë, e cila i mrekullon
të gjithë, është veshur me 21 mijë e 43 pllaka qeramike. Dekorohet edhe me syre kuranore,
vepër e Sejjid Kasim Gubarit, kaligraf i njohur i asaj kohe. Emri Xhamia Blu i
mbeti për shkak se shtyllat e harqet janë të mbuluara me pllaka qeramike ngjyrë blu.
Është e pashoqe edhe për shkak të gjashtë minareve, sepse xhamitë e ndërtuara në atë
kohë nuk kishin më shumë se katër minare. Në të njëjtën kohë xhamia u bë burim
grindjesh, për shkak të gjashtë minareve, sepse vetëm Mesxhidul Harami në Mekë, në
atë kohë, kishte aq minare. Sulltan Ahmeti i I e zgjidhi edhe këtë problem duke dërguar
para për ndërtimin e minares së shtatë në xhaminë e madhe rreth Qabesë.Ndërtimi i
faltores nisi në vitin 1609, kur sulltani osman, Ahmeti I, vendosi të ndërtojë një
xhami të tillë, që t’ia kalonte edhe Aja Sofia-s. Natyrisht, nuk ia kaloi!