Թեհրանի մէջ Քրիստոնեաներու եւ մահմետականներու միջեւ միջ-կրօնային 9-րդ զրոյց:
(Ռ.Վ. 26 նոյեմբեր 2014)25 եւ 26 նոյեմբեր 2014-ին, Իրանի
մայրաքաղաք` Թեհրանի մէջ, տեղի կ՛ունենայ 9-րդ միջ-կրօնային զրոյց՝ Իրանի միջկրօնական
երկխօսութեան կեդրոնի եւ Քահանայապետական միջ կրօնական երկխօսութեան խորհուրդի միջեւ։ Զրոյցի
կեդրոնական նիւթն է ''Քրիստոնեաներն ու մահմետականները կառուցողական երկխօսութեան մէջ՝
ընկերութեան բարիքին ի նպաստ''։ Զրոյցի ընթացքին արծարծուեցան նաեւ հետեւեալ նիւթերը. -
Հոգեւորականութիւն. բնոյթը, դերակատարութիւնը եւ զարգացումի իմաստները։ - Կրօնային
արժէքները` պատասխան ծայրայեղականութեան եւ բռնութեան։ - Լրատուական միջոցները,
անոնց դերակատարութիւն երկխօսութեան մշակոյթի զարգացումին ի նպաստ։ Վերոյիշեալ միջ-կրօնական
զրոյցին՝ Կաթողիկէ Տիեզերական Եկեղեցւոյ կողմէ իր մասնակցութիւնը բերաւ Քահանայապետական
միջկրօնական երկխօսութեան խորհուրդի նախագահ` Կարդինալ Ժան Լուի Թոռանը, ինչպէս նաեւ
Միջազգային Քարիթասի կազմակերպութեան նախագահ` Տիար Միշէլ Ռոյը։ Այլ կաթողիկէ եկեղեցականներու
շարքին էր նաեւ Իրանի Կաթողիկէ Հայոց թեմի առաջնորդ Արքեպիսկոպոս` Գերապայծառ Նշան
Գարաքէհէեանը։ Քրիստոնեաներու եւ Մահմետականներու միջեւ տեղի ունեցող զրոյցի բացման
առթիւ իր ունեցած ելոյթին մէջ Քահանայապետկան միջկրօնական երկխօսութեան խորդհուրդի նախագահը
հաստատեց թէ ՝ ''Չենք կրնար լուռ եւ անտարբեր մնալ Իրաքի Եազտի Քրիստոնեաներու կրած
տմարդկային եւ բազմատեսակ բռնութիւններուն ի տես։ Հալածուած քրիստոնեաներուն մեծամասնութիւնը
նախընտրեցին մահը քան իրենց հաւատքի ուռացումը։ Ուստի՝ բազմաթիւ նահատակներու զոհաբերումը
պէտք չէ մոռացութեան մատնել։ Կարդինալ Թոռանը ապա ակնարկելով բովանդակ մարդկութեան
ակնկալիքներուն` Քրիստոնեաներու եւ մահմետականներու միջեւ տեղի ունեցող զրոյցէն ըսաւ`
''Քրիստոնեաներն ու մահմետականները եւ համայն մարդկութիւնը կարիքը ունին առարկայական
եւ առատաձեռն պտղաբեր արդիւնքին''։ Ան ապա հաստատեց թէ '' հրամայական է .սոյն հանդիպումը
յանգի պտղաբեր արդիւնքի'' համայն քրիստոնեաներու եւ մահմետականներու ինչպէս նաեւ այլ
կրօններու պատկանողներու ու նոյնիսկ անհաւատացեալներուն համար։