Святы Айцец пажадаў жыхарам Індыі і Італіі надзеі, салідарнасці і братэрства
23 лістапада 2014
г. перад малітвай “Анёл Панскі” Францішак прывітаў пілігрымаў з Італіі і Індыі, якія
прыбылі ў Рым на кананізацыю шасці благаслаўлёных. Ва ўрачыстасць Пана Нашага Езуса
Хрыста, Валадара Сусвету, Папа кананізаваў чатырох італьянцаў і двух індзійцаў. Ён
звярнуўся да усіх, хто прыбыў у Вечны горад, каб аддаць пашану новым святым, і асаблівым
чынам да афіцыйных дэлегацый з Італіі і Індыі. “Няхай прыклад чатырох італьянскіх
святых, народжаных у правінцыях Вічэнца, Неапаль, Казенца і Рыміні, дапаможа ўмілаванаму
італьянскаму народу ажывіць дух супрацоўніцтва і гармоніі для агульнага дабра і глядзець
у будучыню з надзеяй, з верай у блізкасць Бога, Які ніколі не пакідае нас, нават у
цяжкія моманты”, - сказаў Францішак.
Звяртаючыся да пілігрымаў з Індыі, Папа
сказаў: “Няхай праз заступніцтва двух святых з штата Керала Пан дасць Касцёлу ў Індыі
новы місійны імпульс, каб натхніўшыся іх прыкладам згоды і прымірэння, хрысціяне ў
гэтай краіне працягвалі ісці па шляху салідарнасці і братэрства”.
Папа Францішак
таксама прывітаў кардыналаў, біскупаў, святароў, а таксама сем’і, парафіяльныя групы,
асацыяцыі і школы. “З сыноўняй любоўю мы звяртаемся да Панны Марыі, Маці Касцёла,
Каралевы Святых і ўзору для ўсіх хрысціян”, - сказаў перад марыйнай малітвай Пантыфік.
Як
звычайна, пасля “Анёл Панскі”, Францішак пажадаў усім добрай і спакойнай нядзелі,
якая б прайшла пад знакам радасці, крыніцай якой з’яўляюцца новыя святыя. Пантыфік
папрасіў маліцца за яго.