Францішак прызначыў новага старшыню ватыканскага Бюро фінансавай інфармацыі
Святы Айцец прызначыў
19 лістапада 2014 г. 42-гадовага Рэнэ Брульхарта старшынёй Бюро фінансавай інфармацыі
(AIF) Апостальскай Сталіцы і Дзяржавы Ватыкан. Ён заняў месца 77-гадовага кардынала
Атыліа Нікоры, адстаўку якога яшчэ 30 студзеня 2014 г. прыняў Папа. Трэба адзначыць,
што Брульхарт з 2012 г. выконваў у той жа структуры функцыю дырэктара. Ён з’яўляецца
прызнаным экспертам па пытаннях, звязаных з бацьбой з адмываннем грошай і фінансаваннем
тэрарызму. Будучы дырэктарам фінансавай разведкі Ліхтэнштэйну, у 2010 г. Брульхарт
быў прызначаны намеснікам дырэктара “Групы Эгмант” – сусветнай асацыяцыі фінансавых
разведак. Яго праца для Святога Пасаду пачалася ў верасні 2012 г. у якасці кансультанта
па пытаннях барацьбы з адмываннем грошай і фінансаваннем тэрарызму.