Пантыфік да служачых ФАО: галодныя патрабуюць не міласціны, а годнасці
Галодныя і прагнучыя
патрабуюць не міласціны, але вяртання годнасці, адзначыў папа Францішак, звяртачыся
да супрацоўнікаў Харчовай і сельскагаспадарчай арганізацыі Аб’яднаных Нацый (ФАО),
падчас свайго візіту ў гэту структуру 20 лістапада 2014 г. “Дарагія браты і сёстры”,
- з такім душпастырскім зваротам прывітаў Пантыфік чыноўнікаў. Ён падзякаваў ім за
намаганні па памяншэнні “хранічнага голаду і развіцці ва ўсім свеце харчовага і сельскагаспадарчага
сектараў”. Францішак высока ацаніў дух салідарнасці і разумення, з якім супрацоўнікі
ФАО падыходзяць да праблем людзей, пакутуючых ад голаду і прагі, часта сягаючы “далей
за паперы”. “У кожным публічным і інстытуцыянальным асяроддзі, асабліва як ваша, існуе
вялікая патрэба ў асобах, якія вылучаюцца не толькі прафесійнасцю, але і яскравай
чалавечнасцю, спачуваннем і любоўю”, - сказаў Папа. Ён заклікаў служачых арганізацыі,
па прыкладзе Езуса, быць салідарнымі з самымі слабымі, не апускаць рукі перад цяжкасцямі,
быць гатовымі падтрымліваць адно аднаго і глядзець з надзеяй у будучыню.