Papa FAO-s: të uriturit në botë kërkojnë dinjitet, jo lëmoshë
“Sot flitet shumë për të drejtat, duke harruar shpesh detyrimet; ndoshta jemi shqetësuar
tepër pak për ata njerëz që vuajnë nga uria”. Kështu tha mes tjerash Papa Françesku
në fjalën e tij në gjuhën spanjolle në konferencën e Fao-s mbi ushqimin. “Pastaj
është e dhimbshme të konstatosh që lufta kundër urisë dhe ushqimit pengohet nga ‘prioriteti
i tregut’, nga ‘epërsia e fitimit’, që kanë reduktuar ushqimin në një treg çfarëdo,
nënshkruar spekulimeve, edhe atyre financiare. E ndërsa flitet për të drejta të reja,
i urituri është aty, në qoshe të rrugëve, e kërkon të drejtën e qytetarisë, kërkon
të konsiderohet në gjendjen e tij në të cilën gjendet, kërkon të marr ushqimin e domosdoshëm
të shëndosh. Kërkon nga ne dinjitet, jo lëmoshë”, tha Papa Bergoglio mes duartrokitjeve
të të pranishmëve.