Տանն Կիլիկիոյ Կաթողիկէ Հայոց Ամենապատիւ Տէր Ներսէս Պետրոս ԺԹ Կաթողիկոս Պատրիարքը
այցելեց Հայր Գոլվենպախին
Ամենապատիւ Հոգեւոր Տէրը՝ երկուշաբթի, 17 նոյեմբեր 2014-ին առաւօտեան ժամը 9:30-ին,
ուղեկցութեամբ տէր Ռաֆֆի Քահանայ Յովհաննէսեանի, այցելեց Յիսուսեան Միաբանութեան նախկին
մեծաւոր հայր Գոլվենպախին: Շուրջ ժամ մը տեւած հանդիպումի ընթացքին, ամենապատիւ Հոգեւոր
Տէրը նախկին մեծաւորին ներկայացուց Սուրբ Գրիգոր Նարեկացիի երկերուն Ֆրանսերէն թարգմանութեան
նորատիպ հատորին մէկ օրինակը: Ապա տեղի ունեցաւ գաղափարներու փոխանակում: Ամենապատիւ
Հոգեւոր տէրը բարձր գնահատեց մեծ հոգեւորականին հայասիրութիւնն ու հայգիտութիւնը եւ անոր
կատարած աշխատանքները: