ՏԱՀԵՇ մահապատիժի ենթարկեց Ամերիկացի պատանդ Ապտել Ռահման Քասիկը
Ըստ համացանցին վրայ զետեղուած տեսերիզի մը, ՏԱՀԵՇ մահապատիժի ենթարկած է ամերիկացի փրկարար
աշխատող Ապտել Ռահման Քասիկը: Տեսերիզին մէջ դիմակաւոր զինեալ մը կանգնած է գլխատուած
դիակի մը մօտ եւ կը յայտնէ, որ այդ դիակը Քասիկինն է: Միացեալ Նահանգներ յայտնեցին,
որ աշխատանք կը տանինք տեսերիզին իրական ըլլալը ճշդելու: Տեսերիզը նաեւ սուրիացի զինուորներու
գլխատումը ցոյց կու տայ: Քասիկ անցեալ տարի ձերբակալուած էր: Ան ամերիկացի զինուոր
Փիթըր Քասիկն է, որ իսլամութիւնը ընդունելով անունը փոխած է Ապտել Ռահմանի: Սակայն ո՛չ
այդ իրողութիւնը, ո՛չ ալ տեղահանուածներուն մօտ անոր կատարած փրկարար աշխատանքը անոր
կեանքը փրկած են:Բրիտանիոյ վարչապետ Տէյվիտ Քամերոն յայտնեց, որ ինք այս «սառնասիրտ ոճիրէն»
ցնցուած է, իսկ ՏԱՀԵՇ «անգամ մը եւս իր ապականութիւնը ցոյց տուաւ»: Կիրակի, 16 նոյեմբերին
երեկոյեան. Լիբանանի մէջ ՏԱՀԵՇ ահաբեկչական խմբակը ապառնալիք ուղղեց ըսելով ՝՝ եթէ Ռումիէի
բանտարկեալներուն դէմ արձակուած վճիռները գործադրուին, ապա 7 առեւանգուած լիբանանցի
զինուորականներ մահապատիժի պիտի ենթարկուին: