Papa Françeku në Kastel Gandolfo për bekimin e dy skulpturave
Të diel, më 16 nëntor, pas lutjes së Engjëllit të Tënzot, Papa Françesku shkoi me
automobil, në formë private, në Vilat Papnore të Kastel Gandolfos, ku mori pjesë në
përurimin e dy skulpturave prej hekuri, realizuar nga artisti argjentinas, Alejandro
Marmo. Papa e kaloi drekën në zonën e fermës, në shoqëri me kardinalin Bertello,
Kryetar i Governatoratit, me familjen e autorit të veprave të artit dhe disa persona
të tjerë. Pastaj shkoi në këmbë pranë heliportit, ku u takua me një grup prej
40 vetësh, të njohur të tij, ardhur nga Argjentina e bekoi dy veprat e artit. Pasdite
u kthye me auto në Vatikan. Gjatë udhës, u ndalua në Klinikën Piu XI, ku vizitoi kardinalin
Jorge Maria Mejia, i shtruar aty prej disa ditësh. Posa arriti në Vatikan, shkoi
drejtpërdrejt në Shtëpizën Piu IV, seli e Akademisë së Shkencave, ku ishte në zhvillim
e sipër një simpozium ndërkombëtar të rinjsh, të angazhuar në luftën kundër trafikut
të qenieve njerëzore. Këtu u prit nga kancelari, Imzot Sanchez Sorondo, u drejtoi
disa fjalë pjesëmarrësve, rreth gjashtëdhjetë vetë e pastaj i përshëndeti personalisht. Pak
pas orës 16.00, Papa ishte në Shtëpinë e Shën Martës.