Ati i Shenjtë hap bisedimet ndërfetare lidhur me burrin e gruan, parë si përplotësim
i njëri-tjetrit
Fillojnë nesër, më 17 nëntor, në Vatikan, me fjalimin e Papës Françesku, bisedimet
kushtuar temës: “Burri e gruaja përplotësojnë njëri-tjetrin”. Takimi, i organizuar
nga tre dikastere të Vatikanit: Kongregata për Doktrinën e Fesë dhe Këshillat Papnore
për Familjen, Dialogun ndërfetar e Bashkimin e të krishterëve, do të zgjasë tri ditë. Punimet
do t’i hapë kardinali Gerhard Müller, prefekt i Kongregatës për Doktrinën e Fesë.
Bëhet fjalë për një mbledhje studiuesish e krerësh fetarë hebrenj, të krishterë,
myslimanë e të feve të tjera, pohon komunikata e organizatorëve, për të propozuar
sërisht bukurinë e bashkimit natyror të burrit me gruan, në martesë.