Кс. Ламбардзі атрымаў тытул ганаровага доктара Папскага салезіянскага ўніверсітэта
14 лістапада 2014
г. кс. Фэдэрыка Ламбардзі, кіраўнік Залы Друку Апостальскай Сталіцы і дырэктар Ватыканскага
радыё, атрымаў тытул ганаровага доктара (Honoris causa) ў галіне сацыяльнай камунікацыі
ад Папскага Салезіянскага ўніверсітэта. Такім чынам, кіраўніцтва навучальнай установы
адзначыла “кампетэнтнае і цярплівае” служэнне кс. Ламбардзі, звязанае з пашырэннем
слова Папы і інфармацыі аб яго дзейнасці, часта у “па-сапраўднаму складаных сітуацыях”.
Падчас цырымоніі ўручэння дыплома падкрэслівалася, што кіраўнік Залы Друку Святога
Пасаду дапамагаў “зразумець і інтэрпрытаваць рэчаіснасць” не паводле агульнапрынятых
схемаў, але згодна з праўдай.
У рамках урачыстага мерапрыемства кс. Ламбардзі
звярнуўся да выкладчыкаў і студэнтаў ўніверсітэта з адкрытай лекцыяй у якой распавёў
пра 25 гадоў свайго служэння Апостальскай Сталіцы. Ён адзначыў важнасць вяшчання Ватыканскага
радыё на розных мовах свету і расказаў пра працу ў складаныя перыяды звязаныя, напрыклад,
з вырашэннем праблемы сексуальных злоўжыванняў у Касцёле і выкраданнем асабістых дакументаў
Бэнэдыкта XVI.