Սուրբ Աթոռի մամլոյ գրասենեակի հաղորդագրութիւնը Ֆրանչիսկոս Քահանայապետին Փերուի հանրապետութեան
նախագահին շնորհած ունկնդրութեան առթիւ։
(Ռ.Վ. 14 նոյեմբեր 2014) Սուրբ Աթոռի մամլոյ գրասենեակը հաղորդագրութիւն
մը հրատարակեց որուն մէջ նշեց թէ այսօր` 14 նոյեմբեր 2014ին, Ֆրանչիսկոս Սրբազան Քահանայապետը,
առաքելական պալատին մէջ ընդունեց Փերուի հանրապետութեան նախագահ` տիար Օլլանթա Հումալան,
որ ապա հանդիպում ունեցաւ Սուրբ Աթոռի Պետական Քարտուղար` Կարդինալ Փիէթրօ Փարոինին հետ,
որուն կ՛ընկերանար Պետութիւններու հետ յարաբերութիւններու քարտուղար` գերապայծառ Տոմինիք
Մամպերթին։Սիրալիր բանակցութիւններու ընթացքին, շեշտուեցան Սուրբ Աթոռի եւ Փերուի Հանրապետութեան միջեւ տիրող լաւ յարաբերութիւնները, յատկապէս անդրադարձ կատարելով քրիստոնէութիւն դերին Երկրի կազմաւորումի ծիրէն ներս, ինչպէս նաեւ Կաթողիկէ եկեղեցւոյ տուած սատարին ի սպաս բնակչութեան մարդկային, հասարակական եւ մշակութայինն զարգացումին։
Անդրադարձ կատարուեցաւ նաեւ ազգային եւ շրջանային բնոյթ ունեցող հարցերու մասին, յատուկ ուշադրութիւն ցուցաբերելով բնապահպանութեան խնդիրին։
| All the contents on this site are copyrighted ©. |