Մամլոյ ասուլիս ներկայացնելու Եկեղեցական շարժումներու եւ նոր հասարակութիւններու համաշխարհային
համագումարը։
(Ռ.Վ. 13 նոյեմբեր 2014) Ուրբաթ, 14 նոյեմբերին, Վատիկանի մամլոյ գրասենեակի
Յովհաննէս Պօղոս Բ անուան դահլիճին մէջ տեղի կ՛ունենայ մամլոյ ասուլիս, որուն ընթացքին
նախաձեռնութեամբ եւ կազմակերպութեամբ Քահանայապետական աշխարհականներու խորհուրդին կը
ներկայացուի՝
''Եկեղեցական շարժումներու եւ նոր հասարակութիւններու համաշխարհային
համագումարը, որ պիտի գումարուի յառաջիկայ 20-22 նոյեմբերին, Հռոմի Մարիա Մաթէր Էքլէզիա
քահանայապետական վարժարանին մէջ։ Համագումարին կեդրոնական նիւթն է ''Աւետարանի ուրախութիւնը,
առաքելական ուրախութիւն''։ Մամլոյ ասուլիսին ելոյթ կ՝ունենան, աշխարհականներու քահանայապետական
խորհուրդի նախագահ՝ կարդինալ Սթանիզլաւ Ռիլքօ, ինչպէս խորհուրդի քարտուղար` գերապայծառ
Ժոզէֆ Քլէմէնս։ Իսկ եկեղեցական շարժումներու շարքին ելոյթ կ՝ունենան Իտալական Ֆոքոլարինի
եկեղեցական շարժումի նախագահ Տիկին Մարիա Վոչէ։ Ապա Պէլկիոյ՝ էմմանուէլ հասարակութեան
միջազգային յարաբերութիւններու պատասխանատու Փրոֆ. Ժան Լիւք Մոէն։