Gjermani: Kisha katolike kujton 25 vjetorin e rënies së Murit
Kanë kaluar 25 vjet nga rënia e Murit të Berlinit (8-9 nëntor 1989) e Kisha katolike
gjermane do të përkujtojë ngjarjen historike. Në Berlin – njofton agjencia Sir – Konferenca
ipeshkëvnore katolike gjermane – Dbk – ka organizuar për datën 8 nëntor një simpozium
me titullin “Rënia e Murit të Berlinit e pasojat”, “Mbarimi i komunizmit. Fillimi
i çka-it ?” dhe “Eksperienca evropiane e perspektivave të 25 vjetëve pas rënies së
Murit. Kisha në Evropë”. Marrin pjesë mes tjerësh kardinali Reinhard Marx, president
i Konferencës ipeshkëvnore të Gjermanisë, kardinali Karl Lehmann ( ipeshkëv i Meinz),
ambasadori polak në Gjermani, Jerzy Marganski e Wolfgang Shauble, ministri gjerman
i financave. Kardinali Marx, ka nënvizuar se “imazhi që dha Gjon Pali II për frymëmarrjen
me dy mushkëri është njëra ndër vizionet e madhe të projektit evropian”. Më 9 nëntori
ndër ceremonitë përkujtimore është programi i një koncerti në katedralen e Shën Edvigjes. Dioqeza
e Munsterit u kushton hapësirë të posaçme kujtimit që kanë besimtarët për ngjarjen
historike, të cilët në faqen e internetit “kirchensite.de” mund t’i lënë dëshmitë
e tyre se si i kanë përjetuar ato ditë të vitit 1989. Në Frankfurt, në Lumburg,
është organizuar nga organizata kishtare Renovabis ekspozita fotografike “25 vjet,
25 koka” që rrëfejnë nismat e katolikëve gjermanë në favor të popujve të lindjes evropiane.
Në Hamburg do të përurohet më 8 nëntor ekspozita “Katolikët e Ddr”, për të treguar
jetën e atyre 25% të gjermanëve të ish Republikës Demokratike që sfidonin ostracizmin
e regjimit komunist