Старшыня Папскай рады: сучасная культура вядзе да грамадства без сем’яў
У Мадрыдзе была прэзентавана
праграма XVI Кангрэсу “Католікі і грамадскае жыццё”, які пачнецца 14 лістапада пад
дэвізам “Сям’я назаўсёды – выклікі і надзеі”. Ганаровым госцем мерапрыемства стаў
старшыня Папскай рады па справах сям’і. “Кангрэс праходзіць у гістарычны момант, і
на ім прысутнічае трыпціх: сужэнства, сям’я і жыццё. Таму гэты кангрэс настолькі выключны”,
- сказаў арцыбіскуп Вінчэнца Палья. У сваім выступленні іерарх шырока прадставіў сітуацыю
інстытута сям’і, пагружанага “у геданістычнай культуры”. Гэтая культура не толькі
“лічыць доўгатэрміновыя адносіны немагчымымі”, але і вядзе да “грамадства без сем’яў”.
Скарачэнне колькасці кананічных і грамадзянскіх сужэнстваў выклікала павелічэнне колькасці
людзей, якія жадаюць жыць у адзіноце, таму што “любое рашэнне, якое ўключае ў сябе
сямейныя адносіны, лічыцца невыносным”. Нядзіўна, што “умацоўваецца грамадства, у
якім ніхто нікому не давярае, дзе трывалыя адносіны лічацца немагчымымі, і ў якім
усё часцей можна пачуць такія заявы, як “Real Madrid for ever”, а не “сужэнства назаўжды”.
Хоць іншыя саюзы заслугоўваюць павагі, аднак, як адзначыў старшыня Папскай
рады, параўноўванне іх да сужэнства паміж мужчынам і жанчынай, адкрытага для жыцця,
мае ілжывую аснову. Сужэнская любоў мае сваё ўласнае вымярэнне, непараўнальнае з іншымі
саюзамі. У цяперашнім “крызісе сямейнай культуры ўпершыню ў гісторыі наступіў разрыў
сувязі сужэнства-жыццё-сям’я”. Арцыбіскуп Палья звярнуўся да ўсіх, і асабліва католікаў,
рабіць усё магчымае, каб “прадэманстраваць прыгажосць сям’і”, якая з’яўляецца “найвялікшай
спадчынай чалавецтва”.