''Հաղորդակցութիւնը որպէս հանդիպում վաւերականութեան եւ որոշակիութեան միջեւ'', Եւրոպայի
եպիսկոպոսաց համահաւաք դասերու ընկերային հաղորդակցութեան միջոցներու պատասխանատուներուն
հանդիպումը։
(Ռ.Վ. 31 հոկտեմբեր 2014) Աթէնքի մէջ 3 – 5 նոյեմբեր 2014, նախատեսուած
է Եւրոպայի եպիսկոպոսաց համահաւաք դասի ընկերային հաղորդակցութեան միջոցներու պատասխանատուներուն
հանդիպումը, որպէս նիւթ ունենալով ''Հաղորդակցութիւնը որպէս վաւերականութեան եւ որոշակիութեան
միջեւ հանդիպում''։ Ի՞նչ է թուային աշխարհի հաղորդակցութեան ներդրումը հաւատքի ապրումին
ու մտածելակերպին մէջ։ Թուային հանդիպումը կարելի՞ է դառնալ հաղորդութիւն եւ իսկական
հանդիպումի առիթ։ Եկեղեցւոյ պաշտօնական հաղորդակցութիւնը կարո՞ղ է դառնալ Քրիստոսի պատգամ։
Քրիստոնէական վկայութիւնը ի՞նչպէս կարելի է թարգմանել թուային աշխարհին մէջ։ Հարցումներ`
որուն մասին Աթէնքի մէջ պիտի խորհրդածեն` Եւրոպայի եպիսկոպոսաց համահաւաք դասի ընկերային
հաղորդակցութեան պատասխանատուները, ընկերակցութեամբ այս մարզի մասնագէտներուն հետ միասին,
հիմնուելով 2014-ի Ֆրանչիսկոս Քահանայապետի Ընկերային Հաղորդամիջոցներու համաշխարհային
օրուան պատգամին վրայ։ Վերոյիշեալ հանդիպումին իր մասնակցութիւնը կը բերէ նաեւ Քահանայապետական
ընկերային հաղորդամիջոցներու խորհուրդի նախագահ` գերապայծառ Քլաուտիօ Մարիա Չէլլի մինչ
մասնագէտներու շարքին են Յիսուսեան միաբան` Հայր Անթոնիօ Սփատարօ, Սպանացի Փրօֆ. Արթուրօ
Մէրայօ Փերես եւ Հոլանտացի քահանայ Հայր Ռոտրիք Վոնհէօկէն։ Հաւաքին ընթացքին ելոյթ
կ՛ունենայ նաեւ Յունաստանի Յոյն Կաթողիկէներու առաքելական էքզարկ գերապայծառ Տիմիթրիոս
Սալախասը։