Францішак моліцца за зніклых мексіканскіх студэнтаў
Святы Айцец узгадаў
пра зніклых 26 верасня 2014 г. 43-х мексіканскіх студэнтаў – удзельнікаў маніфестацыі
супраць рэформы сістэмы адукацыі, якія паводле версіі паліцэйскіх, маглі быць выкрадзены
і забіты па загадзе тагачаснага мэра горада Ігуале, звязанага з крымінальнымі групоўкамі,
які, на дадзены момант, хаваецца ад следства. Звяртаючыся да прысутных на агульнай
аўдыенцыі іспанамоўных пілігрымаў, і ў прыватнасці да вернікаў з Мексікі, Францішак
выказаў сваю блізкасць і запэўніў у малітве за ўвесь народ краіны. “Сёння жадаю ўзнесці
малітву і наблізіць да нашага сэрца ўвесь мексіканскі народ, які пакутуе па прычыне
знікнення сваіх студэнтаў і многіх іншых падобных праблем. Няхай нашыя братэрскія
сэрцы будуць побач з імі ў гэтым момант”, - заклікаў вернікаў Папа.
Безвыніковы
пошук ахвяраў пераследу працягваецца ўжо больш за месяц. У розных гарадах Мексікі
праходзяць пратэстныя акцыі з патрабаваннем знайсці зніклых студэнтаў.