Францішак абмяркоўвае з кардыналамі сітуацыю хрысціян Блізкага Усходу
Папа Францішак выказаў
пажаданне, каб падчас агульнага публічнага кансісторыя, які пачаўся 20 кастрычніка
2014 г. у Ватыкане, былі зроблены неабходныя прапановы на карысць хрысціян Блізкага
Усходу, якія, “пры абыякавасці з боку многіх”, сустракаюцца з тэрарызмам, насіллем
і пераследам на тэрыторыі, дзе нарадзілася і адкуль распаўсюдзілася хрысціянства.
Менавіта сітуацыі верніках гэтага рэгіёна Пантыфік вырашыў прысвяціць сваю сустрэчу
з кардыналамі. Фармальнай нагодай для кансісторыя стала абмеркаванне будучай кананізацыі
індыйскага святара бл. Джозэфа Ваза, заснавальніка Араторыя Святога Крыжа Цудаў у
горадзе Гоа, і італьянскай законніцы бл. Марыі Крыстыны ад Беззаганнага Зачацця, заснавальніцы
Кангрэгацыі сясцёр адкупленчай ахвяры Езуса Сакрамэнтальнага. Папа аўтарызаваў зацвярджэнне
дакрэтаў, якія тычацца цудаў, здзейсненых праз іх заступніцтва, 17 верасня 2014 г.