Папа заклікаў вернікаў берагчы сваю хрысціянскую тоеснасць
Папа Францішак заклікаў
вернікаў жыць паводле хрысціянскай ідэнтычнасці – без крывадушша і трымаючы ў руках
“спадчыну вечнасці”, атрыманую ад Святога Духа. Падчас ранішняй Эўхарыстыі ў Ватыкане
17 кастрычніка 2014 г. Пантыфік пахіліўся над словамі апостала Паўла пра пячатку Духа
Святога – “задатак спадчыны”, якім эфесцы, былі ўзнагароджаны за сваю веру. Гэтым
дарам, вернікі не проста становяцца выбранымі, але набываюць сапраўдную ідэнтычнасць.
Святы Дух пазначае вернікаў хрысціянскай тоеснасцю, як пячаткай – дае ім сваю сілу.
Але валоданне гэтым дарам не пазбаўляе хрысціян ад спакусаў і падзенняў. Першым з
іх Пантыфік назваў пераўтварэнне ўласнай ідэнтычнасці ў “матавую”, незаўважную. Гэта,
на яго думку, тычыцца цёплых хрысціян – тых, якія наведваюць нядзельную св. Імшу,
але ў жыцці іх хрысціянская ідэнтычнасць нябачная. Здараецца, што такія вернікі жывуць
увогуле як язычнікі, заўважыў Папа.
Іншая спакуса, якой паддаюцца хрысціяне
– гэта крывадушша. Пантыфік падкрэсліў, што некаторыя вернікі выдаюць сябе за хрысціян,
але не з’яўляюцца такімі; не з’яўляюцца празрыстымі – кажуць, што з’яўляюцца хрысціянамі,
але не жывуць, як належыць веруючым у Хрыста.
Узгадваючы навучанне апостала
Паўла, Пантыфік падкрэсліў, што жыццё паводле хрысціянскай ідэнтычнасці прыводзіць
да іншых дароў, а менавіта: любові, радасці, супакою, вялікадушша, добразычлівасці,
дабрыні, вернасці, пакоры, стрыманасці. “Гэта наш шлях да Неба – гэта наша дарога,
якая дае пачатак Небу ўжо тут”, - сказаў Папа і заклікаў быць уважлівымі да захавання
дару Святога Духа – пячаткі хрысціянскай ідэнтычнасці.