Папа на пенсіі Бэнэдыкт
XVI прыме ўдзел у беатыфікацыі Паўла VI, якая адбудзецца 19 кастрычніка 2014 г. на
галоўнай ватыканскай плошчы, паведаміў кс. Фэдэрыка Ламбардзі, кіраўнік Залы Друку
Апостальскай Сталіцы. Менавіта з рук Паўла VI, у 1977 г., арцыбіскуп Мюнхен-Фрайзінгскі
Ёзэф Ратцынгер атрымаў кардынальскі берэт. Акрамя Папы на пенсіі ў беатыфікацыі прымуць
удзел два іншыя іерархі, якія атрымалі кардынальскую годнасць у часы пантыфікату Паўла
VI: бразільскі пурпурат Паўлу Эварысту Арнс, былы арцыбіскуп Сан-Паўлу і амерыканскі
кардынал Уільям Уэйкфілд Баум, былы арцыбіскуп Вашынгтонскі, які таксама займаў пасады
прэфекта Кангрэгацыі Каталіцкай Адукацыі і Вялікага Пенітэнцыярыя.