Пантыфік: містычны досвед св. Тэрэзы Авільскай не аддаляў яе ад праблем свету
Св. Тэрэза Авільская
вучыць, што шлях да Бога – гэта шлях да людзей, напісаў папа Францішак у пасланні
да 500-годдзя з дня нараджэння вялікай іспанскай святой, якое будзе адзначацца ў 2015
г. “Евангелле – гэта не абцяжарваючая свінцовая сумка, але крыніца радасці, якая напаўняе
сэрца Богам і падштурхоўвае служыць людзям”, - адзначыў Пантыфік. Духоўнасць св. Тэрэзы
Авільскай, на думку Папы, характарызуецца радасцю ад адкрыцця любові Божай; малітвай,
якая дапамагае перамагчы песімізм і нараджае добрыя ініцыятывы; братэрствам і ўдзелам
у вырашэнні праблем свету. “Яе містычны досвед не адлучыў яе ад свету, турботаў людзей,
але наадварот – даў новы імпульс і адвагу для дзейнасці”, - падкрэсліў папа Францішак.
Св.
Тэрэза Авільская жыла ў XVI ст. у Іспаніі. Яна прычынілася да рэфармавання кармелітанскага
ордэна, заснавала шэраг новых кляштараў, з’яўляецца аўтарам трактатаў аб містыцы і
духоўнасці. У 1970 г. папа Павел VI абвясціў яе Доктарам Касцёла.