Сітуацыя змешаных сужэнстваў абмяркоўвалася на Сінодзе
Сітуацыі, звязаныя
з так званымі “змешанымі сужэнствамі”, апынуліся ў цэнтры ўвагі ўдзельнікаў ІІІ Надзвычайнай
сесіі Сінода Біскупаў. Касцёлу важна зразумець, якога кшталту катэхезу прапанаваць
дзецям, народжаным у змешаных сем’ях, і як дапамагчы католікам, якія жывуць у “змешаным
сужэнстве” і жадаюць працягваць практыкаваць сваю веру. Пра іх не можна забыцца, і
Касцёл павінен працягваць клапаціцца пра іх, казалася ў ватыканскай сінадальнай зале.
Важным выклікам удзельнікі асамблеі назвалі сітуацыю хрысціян, якія пераходзяць у
іслам для таго, каб злучыцца сужэнскім саюзам з вызнаўцамі гэтай рэлігіі.
Звярталася
ўвага на выпадкі, калі католікі, якія не могуць атрымаць пацвярджэнне несапраўднасці
свайго сужэнства ў Касцёле, мяняюць канфесійную прыналежнасць і заключаюць новае сужэнства
ў канфесіі, якая гэта дазваляе.
У кантэксце дыскусіі пра сітуацыю разведзеных,
адзначалася важнасць злучэння аб’ектыўнай праўды з міласэрнасцю, бо шматлікія вернікі
апынуліся ў падобных сітуацыях не па ўласнай віне.