Біскупы Еўропы: сям’я – не праблема, а рэсурс для кантынента
Сям’я – гэта не праблема,
але рашэнне для Еўропы, гаворыцца ў заключным паведамленні Рады біскупскіх Канферэнцый
Еўропы, штогадовае пасяджэнне якой праходзіла ў Рыме 2-4 кастрычніка 2014 г. на тэму
“Сям’я: сапраўдны рэсурс для Еўропы”. У форуме, які адбыўся ў вігілію ІІІ Надзвычайнай
сесіі Сінода Біскупаў, прымалі ўдзел прадстаўнікі епіскапатаў з краін еўрапейскага
кантынента. Сям’я, на думку іерархаў, з’яўляецца неад’емнай крыніцай для грамадстваў
Старога кантынента, бо складае яго чалавечы капітал. Перад абліччам выклікаў, якія
кідае сям’і і сужэнству сучасная індывідуалістычная культура, неабходна ўмацаванне
душпастырства, ўважлівага да кожнага з членаў сямейнай ячэйкі, гаворыцца ў паведамленні.
Падчас
форума, акрамя іерархаў, выступілі таксама некаторыя эксперты: навукоўцы, палітыкі
і сужэнская пара. Па выніках дыскусій, еўрапейскія біскупы заклікалі ўрады дзяржаваў
да ўсведамлення патынцыялу сем’яў і неабходнасці іх абароны ад рознага кшталту сучасных
ідэалогій. Звярталася увага на каштоўнасць сем’яў для ўсяго грамадства.
Пленарная
асамблея Рады біскупскіх канферэнцый Еўропы адбудзецца 11-16 верасня 2015 г. у Святой
Зямлі, па запрашэнні Лацінскага Патрыярха Іерусаліма Фуада Тваля, гаворыцца ў паведамленні
структуры.