Ֆոքոլարինի եկեղեցական շարժումի պատկանող՝ Լոփփիանօ կոչուած գիւղաքաղաքին հիմնադրութեան
50 ամեակին առթիւ, Ֆրանչիսկոս Պապը, շաբաթ, 3 հոկտեմբերին, լսատեսողական պատգամ մը ուղղեց
գիւղաքաղաքին բնակիչներուն եւ բոլոր անոնց որոնք հեռուէն կը մասնակցին տօնախմբութեան։ Նորին
Սրբութիւնը Ճառին մէջ հաստատեց թէ Լոփիանօն իրականութիւն մըն է որ կ՝ապրի եկեղեցւոյ եւ
աշխարհի ծառայութեան համար, ինչպէս նաեւ կենդանի եւ արդիւնաւէտ վկայութիւնն է անձերու
եւ ազգերու, եւ զանազան մշակոյթներու միջեւ՝ սիրոյ փոխադարձ յարաբերութեան ։ Սրբազան
Հայրը ապա խրախուսեց բնակիչները յարատեւելու իրենց ուղեւորութեան մէջ, հաւատարիմ եւ
կառչած մնալով 50 տարի առաջ մշակուած լ գիւղաքաղաքի ծրագիրներուն։ Ֆրանչիսկոս Պապը
պատկերասփռուած Ճառին մէջ Լոփիանոյի իրականութիւնը համարեց որպէս կեանքի դպրոց որուն
վարդապետն է Յիսուսը ու ապա քաղաքացիները, որոնք կը վկայեն Աւետարանը, որակեց որպէս թթխմոր
եւ աղ՝ սիրոյ նոր քաղաքացիական կեանքի։ Ճառին աւարտին Ֆրանչիսկոս Պապը գիւղաքաղաքի
բնակիչներուն մաղթեց միշտ դէպի առջեւ նայիլ եւ մ յոյսով ու քաջութեամբ ձգտիլ բարձունքներու։