Traktat i devocionit të vërtetë për Marinë: “Të vërtetat themelore të devocionit të
Marisë” par. 71
Pasi na ka shpjeguar se ne jemi skllevër të zemrës për Zotin, pra i qëndrojmë besnikë
me dëshirë e dashuri, Shën Luigji Maria Grignion de Monfort, në kapitullin “Të vërtetat
themelore të devocionit të Marisë”, në veprën “Traktat i devocionit të vërtetë për
Marinë”, sqaron pse kjo skllavëri është më e mirë se shërbimi i thjeshtë.
71. Shërbëtori
ndryshon plotësisht nga skllavi: 1. Shërbëtori nuk ia jep zotërisë gjithçka ka
e gjithçka mund të fitojë nga të tjerët ose nga vetja; ndërsa skllavi ia jep të zot
gjithë vetveten, me gjithçka ka mbas shpirtit e gjithçka mund të fitojë, pa kurrfarë
përjashtimi. 2. Shërbëtori kërkon pagë për shërbimet që i bën zotërisë, ndërsa
skllavi nuk mund të kërkojë asgjë, sado zellshëm a fort të punojë. 3. Shërbëtori
mund të largohet nga zotëria kur të dojë, ose kur përfundon koha e tij e shërbimit. 4.
Zotëria i shërbëtorit nuk ka mbi të asnjë të drejtë për jetë a vdekje, sepse, po ta
vrasë, siç do të bënte me ndonjërën nga kafshët e barrës, do të kryente një vrasje
të padrejtë; ndërsa zotëria i skllavit e ka me ligj të drejtën mbi jetën e mbi vdekjen
e tij, mund t’ia shesë kujt të dojë ose mund ta mbysë, siç do të bënte me kalin e
tij. 5. Së fundi shërbëtori është në shërbim të zotërisë vetëm për një farë kohe.
Skllavi, përgjithmonë.