Ֆրանչիսկոս Քահանայապետի Հոկտեմբեր ասմուայ գլխաւորած արարողութիւնները։

Յառաջիկայ Հոկտեմբեր 2014-ի ամսուայ ընթացքին (5 – 19), Վատիկանի մէջ տեղի կ՛ունենայ եպիսկոպոսական արտակարգ Գ սիւնհոդոդը նուիրուած Ընտանիքի հովուական հոգաբարձութեան մարտահրաւէրներուն։ Այս առթիւ շաբաթ 4 հոկտեմբերի երկոյեան ժամը 6-ին, Ֆրանչիսկոս Սրբազան Քահանայապետը, Սուրբ Պետրսոի հրապարակի վրայ կը գլխաւորէ աղօթքի հսկում, առ ի պատրաստութիւնը սիւնհոդոսական նիստերուն։ Հսկումին իրենց մասնակցութիւնը կը բերեն հինգ ցամաքամասերու 253 ներկայացուցիչները` եպիսկոպոսական դասերու նախագահներ, Արեւելեան կաթողիկէ համայնքներու հովուապետեր, Վատիկանի վերին վարչութեան կառավարիչներն ու նախագահները, կրօնաւորներներ քոյր եկեղեցիներու պատուիրակներ, ունկնդիրներ, եւ մասնագէտներ։ Իսկ Կիրակի 5 հոկտեմբերի առաւօտեան ժամը 10-ին, Սուրբ Պետրոսի մայր տաճառին մէջ, Սրբազան Հայրը կը գլխաւորէ եպիսկոպոսական Սիւնհոդոսի բացման առթիւ` սուրբ պատարագի արարողութիւնը։
12 Հոկտեմբերին միշտ Սուրբ Պետրոսի մէջ, Նորին Սրբութիւնը կը գլխաւորէ Քանատացի երկու սուրբերու` Ֆրանչէսքօ Տէ լաւալ եւ Մարիա Տէլլ Ինքարնացիոնէի, սուրբ պատարագի գոհաբանական արարողութիւնը որուն կը մասնակիցն Քէպէքէն ժամանած ուխատւիորներ։
Կիրակի 19 հոկտեմբերի ժամը 10,30-ին, Սուրբ Պետրոսի հրապարակի վրայ, Ֆրանչիսկոս Պապը կը նախագահէ Ընտանիքի նուիրուած եպիսկոպոսական սիւնհոդոսի եզրափակիչ սուրբ պատարագը որուն ընթացքին երանելի կը հռչակէ` Աստուածոյ Ծառայ երջանկայիշատակ Պօղոս Զ Սրբազան Քահանայապետը, իսկ յաջորդ օրը, Երկուշաբթի 20 հոկտեմբերին, Վատիկանի Քոնչիսթորօ Սրահին մէջ, Սրբազան Հայրը կը գլխաւորէ կարտինալական ժողով յատկացուած մի քանի սուրբերու դատի սրբադասումին։