Апостальскія нунцыі,
якія прадстаўляюць Святы Пасад на Блізкім Усходзе, збяруцца ў Ватыкане 2-4 кастрычніка
2014 г. Яны сустрэнуцца з кіраўніцтвам Дзяржаўнага сакратарыята і папам Францішкам.
У апошні дзень ватыканскага пасяджэння па праблеме Блізкага Усходу да іх далучацца:
кардынал Дзяржсакратар Пьетра Паралін; субстытут Святога Пасаду, арцыбіскуп Анджэла
Бэчу, і сакратар па адносінах з дзяржавамі, арцыбіскуп Дамінік Мамбэрці. Прысутнічаць
будуць таксама кіраўнікі і супрацоўнікі ватыканскіх дыкастэрый, якія займаюцца блізкаўсходнімі
пытаннямі: з кангрэгацыі па справах Усходніх Касцёлаў, Папскіх рад па міжрэлігійным
дыялогу, спрыяння хрысціянскаму адзінству, пастырства эмігрантаў і падарожнікаў, “Iustitia
et Pax” і “Cor Unum”.
На спатканні будуць прысутнічаць нунцыі ў Іарданіі і
Іраку; Іране; Ліване; Егіпце; Ізраілі, Іерусаліме і Палестыне; Сірыі і Турцыі, а таксама
пры Арганізацыі Аб’яднаных Нацый у Нью-Ёрку і Жэневе, і пры Еўрапейскім Саюзе.