Ֆրանչիսկոս Սրբազան Քահանայապետի գործունէութիւնը։

Շաբաթ 27 սեպտեմբերի առաւօտեան ժամը 7-ին, Ֆրանչիսկոս Սրբազան Քահանայապետը Վատիկանի քաղաքապետարանի մատրան մէջ մատոյց սուրբ պատարագի արարողութիւնը մասնակցութեամբ Վատիկանի ոստիկանութեան անդամներուն որոնք կը տօնախմբեն իրենց հիմնադրութեան 198-րդ ամեակը, իրենց պաշտպան սուրբ` Միքայէլ հրեշտակապետին տօնին առթիւ։
Նորին Սրբութիւնը հուսկ իր գրասենեակին մէջ յաջորդաբար ընդունեց Կարդինալ Մարք Ուելլէն, Եպիսկոպոսներու ժողովի կառավարիչ, գերապայծառ Քրիստոֆ Փիէրը Մեքսիքայի մօտ առաքելական նուիրակ` գերապայծառ Ճուզեփփէ Փինթօ Ֆիլիպեան կղզեխումբի մօտ առաքելական նուիրակ, գերապայծառ Ֆրանչիսիսքօ Մոնթեչիլլօ Բատիլլա`Թանզանիայի մօտ առաքելական նուիրակ։ Իսկ 12.15-ին Քլեմենթինա Սրահին մէջ, Սրբազան Հայրը ընդուեց Սուրբ Հաղորդութեան միջազգային համագումարի քահանայապետական յանձնախումբի լիակատար նիստի մասնակիցները։
Մինչ յետմիջօրէի ժամը 5-ին Հռոմի ''Chiesa del Gesù'' Յիսուսեաններու եկեղեցւոյ մէջ, Սրբազան Քահանայապետը կը նախագահէ ժամասացութեան արարողութիւնը եւ''թէ Տէումի'' գոհաբանական աղօթքը, Յիսուսեան միաբանութեան վերահաստատումի 200րդ յոբելեանի առիթով` 1884-ին Պիոս Է քահանայապետի կողմէ հրատարակուած “Sollicitudo omnium ecclesiarum” առաքելական կոնդակով։ Մինչ Կղեմես ԺԴ քահանայապետը 1773-ին ջնջել տուած էր միաբանութիւնը։

Յայտնենք թէ վաղը` Կիրակի, 28 սեպտեմբեր 2014-ի առաւօտեան, Ֆրանչիսկոս Քահանայապետը, Վատիկանի Սուրբ Պետրոսի հրապարակի վրայ հանդիպում պիտի ունենայ աշխարհի մեծ հայրերու ու մեծ մայրերու ու տարեց մարդոց հետ։ Հանդիպումին որուն բնաբանն է ''Երկարակեցութեան օրհնութիւնը'', իրենց մասնակցութիւնը կը բերեն` 20 երկիրներէ ժամանած 40 հազար տարեցներ։

Նշենք թէ հանդիպումը կազմակերպուած է Ընտանիքի Քահանայապետական խորհուրդի կողմէ Ընտանիքի մասին գումարուած սիւնհոդոսի նախօրեակին, հաւաքին իրենց մասնակցութիւնը կը բերեն նաեւ Իրաքէն ժամանած գաղթական զոյգ մը տարեցներ ` լսելի դարձնելու համար պայքարի դաշտերու եւ շրջաններու մէջ ապրող տարեցներու ձայնը։