സെപ്തംബര് 28-ാം തിയതി കേരളസഭ സിനഡിനുവേണ്ടി പ്രാര്ത്ഥിക്കും
24 സെപ്തംബര് 2014, കൊച്ചി ഒക്ടോബര് 5-മുതല് 19-വരെ തിയതികളില് റോമില് സമ്മേളിക്കുന്ന
കുടുംബങ്ങള്ക്കായുള്ള പ്രത്യേക സിനഡു സമ്മേളനത്തിന്റെ വിജയത്തിനായുള്ള പ്രാര്ത്ഥനാദിനമാണിതെന്ന്,
പ്രാദേശിക മെത്രാന് സമതിക്കുവേണ്ടി പ്രസിഡന്റ്, കര്ദ്ദിനാള് ബസീലിയോസ് മാര് ക്ലീമിസ്
ഇറക്കിയ പ്രസ്താവന വെളിപ്പെടുത്തി.
ഇടവകകളിലും കുടുംബങ്ങളിലും സിനഡിന്റെ നിയോഗത്തിനായി
സെപ്തംബര് 28-ാം തിയതി ഞായറാഴ്ച പ്രത്യേകം പ്രാര്ത്ഥിക്കുന്നതു കൂടാതെ, പാപ്പാ
ഫ്രാന്സിസ് രചിച്ചു നല്കിയിട്ടുള്ള സിനഡിനുള്ള പ്രത്യേക പ്രാര്ത്ഥന കുടുംബങ്ങളിലും,
ഇടവകകളിലും സ്ഥാപനങ്ങളിലും ഒക്ടോബര് 19-ാ തിയതി – സിനഡിന്റെ സമാപനദിനംവരെ മുടങ്ങാതെ
ചൊല്ലിക്കൊണ്ടുമായിരിക്കും കേരളത്തിലെ വിശ്വാസികള് സഭയുടെ ഈ അത്യപൂര്വ്വ സംഭവത്തില്
പങ്കുകാരാകുന്നതെന്ന്, ഭാരതത്തിലെ ദേശീയമെത്രാന് സമിതിയുടെ പരമാധ്യക്ഷന്കൂടിയായ കര്ദ്ദിനാള്
ക്ലീമിസ് പ്രസ്താവനയിലൂടെ അറിയിച്ചു.