Ватыканскі кардынал пра візіт Пантыфіка ў Страсбург
Папа заахвоціць еўрапарламентарыяў
працаваць для агульнага дабра, бяспекі, салідарнасці і клопату пра бедных, перакананы
кардынал Дзяржсакратар Пьетра Паралін. Ён пракаментаваў запланаваны на 25 лістапада
2014 г. візіт Святога Айца ў Еўрапейскі парламент у Страсбургу. Папа, несумненна,
скарыстаецца магчымасцю нагадаць пра хрысціянскія карані Еўропы, лічыць ватыканскі
іерарх. Ён дадаў, што гэты першы кантакт Францішка з еўрапейскімі інстытутамі будзе
мець месца ў вельмі цяжкі для сённяшняга свету час. Кардынал казаў пра гэта ў італьянскай
Вічэнцы, дзе прымаў удзел у 47-м Кангрэсе па міжнародных пытаннях.