Ֆրանչիսկոս Քահանայապետը շնորհաւորած է Հռոմի Հրեայ հասարակութիւնը հրէական երեք տօներու
առթիւ։
''Աստուած մեզի պարգեւէ շնորհքը միասնաբար նպաստելու արդարութեան եւ խաղաղութեան զարգացումին,
աշխարհի մը մէջ որ խիստ կարիքն ունի խաղաղութեան եւ արդարութեան''։ Գրած է Ֆրանչիսկոս
Պապը, 22 սեպտեմբեր 2014-ին, Հռոմի հրեաներու րաբունապետ՝ Րիքքարտօ Տի Սէնյիին ուղղած
պատգամին մէջ, հրեաներու ծիսական երեք տօներու առթիւ։ Քահանայապետը մաղթանքները ընդլայնելով
նաեւ Հռոմի բոլոր Հրեայ հասարակութեան անոնց վրայ հայցած է ''Ամենաբարձեալին օրհնութիւնը
որպէսզի տօնական այս օրերը՝ ըլլան աղբիւր երջանկութեան եւ առիթ ամրապնդելու ընտանեկան
եւ հասարակական կապերը։