Пантыфік падзякаваў Маці Божай за паспяховае падарожжа ў Албанію
22 верасня 2014 г.
каля 12.00 Святы Айцец Францішак адправіўся ў рымскую базыліку Санта Марыя Маджорэ
падзякаваць Дзеве Марыі за яе заступніцтва ў яго падарожжы ў Албанію, паведаміла Зала
Друку Апостальскай Сталіцы. Як звычайна, Пантыфік спыніўся для ціхай малітвы ў капліцы
Маці Божай “Salus Populi Romani” і ўсклаў каля абраза букет кветак, атрыманы ўчора
ўвечары ў Албаніі падчас сустрэчы ў дабрачынным цэнтры “Бетанія”. Вернікі, якія прысутнічалі
ў базыліцы, далучыліся да спеву “Salve Regina”. Каля 12.30 Папа вярнуўся ў Ватыкан.
Пантыфік
наведаў Албанію 21 верасня 2014 г. Гэта быў яго першы “еўрапейскі” візіт за межы Італіі.
Ён сустрэўся з палітычнымі і рэлігійнымі ўладамі краіны, узначаліў Эўхарыстыю на плошчы
Маці Тэрэзы ў цэнтры Тыраны. Адбыліся спатканні Францішка з мясцовым духавенствам,
лідэрамі і прадстаўнікамі асноўных рэлігій і веравызнанняў краіны, валанцёрамі, моладдзю
і дзецьмі.