21 верасня 2014 г.
пачалося Апостальскае падарожжа папы Францішка ў Албанію. Яно працягнецца толькі адзін
дзень, але будзе насычана важнымі падзеямі і сустрэчамі, пра што сказаў сам Пантыфік
на борце самалёта, звяртаючыся да журналістаў, якія суправаджалі яго падчас пералёту
з Рыма ў Тырану. Папа падкрэсліў, што Албанія, гэта краіна, якая шмат пакутавала,
але сёння ўяўляе сабой прыклад мірнага суіснавання паміж прадстаўнікамі розных рэлігій.
“Гэта добры знак для свету!”, - адзначыў ён. Пералёт Святога Айца заняў каля паўтары
гадзіны. Пераадолеўшы 611 км, у 9.00 ён прызямліўся ў міжнародным аэрапорце імя Маці
Тэрэзы ў Тыране. Тут Папу сустракалі прэм’ер-міністр краіны Эдзі Рама, прадстаўнікі
дзяржаўных і рэлігійных уладаў, а таксама шматлікія вернікі. Пасля кароткага прывітання
Святы Айцец накіраваўся ў Прэзідэнцкі палац, каб прыняць удзел у сустрэчы з кіраўніком
дзяржавы Буярам Нішані, членамі дыпламатычнага корпуса і мясцовымі палітыкамі.
Па
дарозе картэж Пантыфіка віталі тысячы вернікаў. Вуліцы горада былі ўпрыгожаны албанскімі
і ватыканскімі сцягамі, партрэтамі святароў, законнікаў і законніц, якія аддалі жыццё
за веру ў перыяд пераследу камуністычнымі ўладамі краіны.