Папа распавёў албанскай моладзі, як будаваць лепшую будучыню для сваёй краіны
Папа Францішак распавёў
албанскай моладзі, якім чынам будуецца лепшая будучыня для сябе і для ўласнай краіны.
Перад малітвай “Анёл Панскі” на плошчы Маці Тэрэзы ў Тыране 21 верасня 2014 г. Пантыфік
заклікаў будаваць сваё жыццё на Езусе Хрысце, які “заўсёды застаецца верным, нават
калі нам самім не хапае вернасці”. “Дарагая моладзь, вы – новае пакаленне Албаніі.
З евангельскай сілай і па прыкладзе вашых продкаў і мучанікаў, будзьце здольнымі сказаць
“не” язычніцкаму пакланненню перад грашыма, фальшывай індывідуалістычнай свабодзе,
залежнасцям і насіллю, і сказаць “так” – культуры сустрэчы і салідарнасці, прыгажосці,
неадлучнай ад дабра і праўды, жыццю, якое пражываецца ад усёй душы, і вернасцю нават
у малым. Так вы пабудуеце лепшую Албанію і лепшы свет!”, - сказаў папа Францішак.
Святы
Айцец даверыў апецы Найсвяцейшай Панны Марыі ўвесь албанскі народ, асабліва сем’і,
дзяцей і пажылых людзей.