Папа Францішак наведае
ў сакавіку 2015 г. Неапаль. Аб гэтым паведаміў мясцовы арцыбіскуп, кардынал Крэшчэнца
Сэпэ падчас цэлебрацыі ў неапальскай катэдры, звязанай з так званым цудам крыві св.
Януарыя. Пантыфік пачне свой візіт у суботу, 21 сакавіка, з ускраін паўднёва-італьянскага
горада, дзе ён хоча сустрэцца з прадстаўнікамі свету працы і культурнага жыцця. Пасля
Францішак адправіцца ў архікатэдральны касцёл, каб памаліцца каля рэліквій св. Януарыя.
Ён таксама сустрэнецца з мясцовым духавенствам. Абед Францішак правядзе са зняволенымі.
Пасля гэтага запланаваныя сустрэчы з хворымі, моладдзю і вернікамі. У канцы візіту,
Папа ўзначаліць урачыстую Эўхарыстыю.
Ідэя наведаць Неапаль у Францішка ўзнікла
падчас яго візіту ў Казерту на поўдні Італіі ў канцы ліпеня 2014 г. Пацярпелы ад беднасці
і злачыннасці горад мае голад Бога, пакутуе ад адсутнасці працы, сілы закону і новых
перспектыў, адзначыў кардынал Сэпэ.