“Саritas Internationalis” абмяркоўвае сваю дзейнасць на Блізкім Усходзе
Крызіс у Сірыі, Іраку
і Сектары Газа – галоўная тэма пасяджэння каталіцкай дабрачыннай арганізацыі “Caritas
Internationalis”, якое 15-17 верасня 2014 г. праходзіць у Рыме. На ім, кіраўнікі мясцовых
аддзяленняў “Caritas” і міжнародныя партнёры арганізацыі, супольна абмяркоўваюць магчымасці
аказання дапамогі насельніцтву рэгіёна, які на працягу доўгага часу ахоплены разбуральнымі
канфліктамі. Толькі за апошнія тры гады “Caritas” аказаў падтрымку амаль 1 млн. жыхароў
Сірыі, Іраку і Сектару Газа, праз забеспячэнне жыллём, медыцынскай дапамогай, ежай,
адукацыяй.
Адкрыў пасяджэнне форуму старшыня “Caritas Internationalis”, гандураскі
кардынал Оскар Радрыгес Марадзьяга. Пурпурат назваў цяперашні крызіс на Блізкім Усходзе
адным з самых буйных за апошнія дзесяцігоддзі. “Як частка гуманітарнай супольнасці,
мы маем справу з самым вялікімі крызісам, які свет бачыў з часоў ІІ Сусветнай вайны”,
- сказаў ён. Страшным рэхай тагачаснага канфлікту, на яго думку, з’яўляецца практыка
асаблівага пазначэння дамоў хрысціян у іракскім Масуле, да якой прыбягаюць джыхадзісты
з мэтай ідэнтыфікацыі і знішчэння веруючых у Хрыста.
Кардынал Марадзьяга выказаў
перакананасць, што стварэнне ваеннага альянса, для буйнога бамбардавання тэрыторый
Сірыі і Іраку, не прывядзе да добрых вынікаў і нагадаў словы папы Францішка пра неабходнасць
дыялогу, сустрэчы і шчырага пошуку праўды. Акрамя таго, ён заклікаў мабілізаваць усе
сілы для аказання гуманітарнай дапамогі пакутуючым народам і салідарнасці паміж дзяржавамі
менавіта ў гэтай сферы.