''Ֆիլատելֆիայի ընտանիքներու համաշխարհային ութերորդ հաւաքի'' նախապատրաստական աշխատանքներու ներկայացումը։

Երեքշաբթի, 16 սեպտեմբեր 2014-ի առաւօտեան ժամը 11,30-ին, Սուրբ Աթոռի մամլոյ գրասենաեկի ՅՊԲ անուան սրահին մէջ, տեղի կ՛ունենայ մամլոյ ասուլիս ներկայացնելու` Ֆիլատելֆիայի մէջ, յառաջիկայ 2015-ի 22 -27 սեպտեմբերին տեղի ունենալիք ''ընտանիքներու համաշխարհային ութերորդ հաւաքի'' նախապատրաստական աշխատանքներու ընթացքը, որուն նիւթն է ''Սիւնհոդոսի ճանապարհով դէպի Ֆիլատելֆիայ 2015''։
Վերոյիշեալ մամլոյ ասուլիսին ելոյթ կ՛ունենան Ֆիլատելֆիայի Արքեպիսկոպոս` գերապայածառ Շարլ Ժոզէֆ Շաբութ եւ ընտանիքի Քահանայապետական խորհուրդի նախագահ գերապայծառ Վինչէնցօ Փալիան։ Յայտնենք որ 5-19 հոկտեմբեր 2014, Վատիկանի մէջ տեղի կ`ունենայ եպիսկոպոսական արտակարգ սիւնհոդոսը նուիրուած ընտանիքին, որուն նիւթն է ''Ընտանիքի հովուական մարտահրաւէրները աւետարանութեան ծիրէն ներս'' որուն աշխատանքները պիտի շարունակուին եկող տարի` 2015-ին գումարուելիք սովորական սիւնհոդոսին ընթացքին, որուն աւարտին պիտի հրատարակուի նաեւ սիւնհոդոսական վաւերաթուղթը։