ምስንዳዋት ዛዕባ ስድራ ቤት ንዝዝትይ ሲኖዶስ

ቅዱስ ኣቦና ር.ሊ.ጳ. ፍራንቸስኮ ዝጸውዕዎ ናይ መላእ ካቶሊካዊት ቤተ ክርስቲያን ብፁዓን ጳጳሳት ሲኖዶስ ዕለት 5 ጥቅምቲ 2014 ዓ.ም. ብወግዒ ዝጅምር ምዃኑ ቅድም ክብል ተሓቢሩ ከምዝነበረ እንክዝከር ናይ ኢጣሊያ ብፁዓን ጳጳሳት ቤት ምኽሪ ነዚ ዓቢያ ካቶሊካዊ ኵነት ምኽንያት ኣብ ኢጣሊያ ዕለት 4 ጥቅምቲ 2014 ዓ.ም. መላእ ናይ ኢጣሊያ ቁምስናታትን ሰበኻታትን ምእመናን ዘሳትፍ ናይ ዋዜማ ጸሎት ክካይድን ብፍላይ ድማ ኣብ ቅዱስ ጴጥሮስ ኣደባባይ ካብ ሰዓት ሹድሽተ ድሕሪ ቐትሪ ጀሚሩ ክሳብ ሰዓት ሾመንተ ኣብ ዝካይድ ናይ ዋዜማ ጸሎት ኩሉ ምእመን ንኽሳተፉ ኣብ ዙሪያ ቅዱስ ጴጥሮስ ክሕባሩን ጸዊዖም እቲ ኣብ ቅዱስ ጴጥሮስ ኣደባባይ ዝዓርግ ናይ ዋዜማ ጸሎት ቅዱስ ኣቦና ተረኺቦም ብዝልግስዎ ምዕዳንን ሓዋርያዊ ቡራኬን ዝፍጸም ምዃኑ ናይ ኢጣሊያ ብፁዓን ጳጳሳት ቤት ምኽሪ ዘመሓላለፎ መግለጺ የመልክት።
እዚ ናይ ዋዜማ መደብ ጸሎት ካቶሊካዊት ቤተ ክርስቲያን ንመላእ ሲኖዶስ ኣበው ቀረባ ምዃና ንምምስካርን ከምኡ እውን እቲ ናይ ሲኖዶስ ዝክረ ነገር ስድራ ቤት ዝብል ብምዃኑ እዚ ኣርእስቲ’ዚ ዘለዎ ዓቢይ ክብርን ናይ ሕብረሰብን ሃገርን ዓለም ማእከል ድማ ብምዃኑ፣ ኩሉ ምእመን ብጸሎት ከሰንዮን ኣብ ነፍሲ ወከፍ ሲኖዶስ ኣበው መንፈስ ቅዱስ እስትንፋሱ ከውርድን ክመርሖምን ምስ ተኸታሊ ቅዱስ ጴጥሮስ ሕብረት ንምምስካር ከምዝኾነ ዝሓበረ ናይ ኢጣሊያ ብፁዓን ጳጳሳት ቤት ምኽሪ መግለጺ ኣስዒቡ እቲ ናይ ዋዜማ ጸሎት ብናይ ቫቲካን ቴለቪዥን ጣቢያን ብዝተፈላለያ ካልኦት ካቶሊካውያን ናይ ተለቪዥን ጣቢያታት ብቐጥታ ክመሓላለፍ ምዃኑ ኣመልኪቱ።
እዚ ከምዚ ኢሉ እንከሎ እቲ ሳልሳይ ሓፈሻዊ ናይ መላእ ካቶሊካዊት ቤተ ክርስቲያን ብፁዓን ጳጳሳት ሲኖዶስ ካብ ዕለት 5 ጥቅምቲ ክሳብ ዕለት 19 ጥቅምቲ 2014 ዓ.ም. “ኣብ ኣስፍሆተ ወንጌል ኩነት ንናይ ስድራ ቤት ሓዋርያዊ ግብረ ኖልዎ ብድሆታት” ብዝብል ኣርእስቲ ተመሪሑ ዝካይድ መዃኑ ናይ ኢጣሊያ ብፁዓን ጳጳሳት ቤት ምኽሪ የዘኻኽር።