Пантыфік атрымаў у дар вайсковы фармуляр свайго дзядулі
Папа Францішак атрымаў
у дар вайсковы фармуляр свайго дзядулі, Джавані Берголіа – удзельніка І Сусветнай
вайны. Нечаканы падарунак Пантыфіку быў уручаны прадстаўнікамі Міністэрства абароны
Італіі пасля Эўхарыстыі на тэрыторыі мемарыяльнага комплекса ў Рэдзіпульі, пабудаванага
ў памяць аб ахвярах канфлікта 100-гадовай даўніны. Недалёка ад гэтага месца, каля
мяжы са Славеніяй, 30-гадовы выхадзец з П'емонта, Джавані Берголіа, служыў у якасці
шэраговага салдата ў адным з італьянскіх пехотных батальёнаў. “Прымі гэты дар, як
знак намаганняў нашых вайскоўцаў на карысць пемамены гісторыі: з гісторыі вайны ў
гісторыю міра”, - сказаў падчас уручэння фармуляра вайсковы ардынарыі ў Італіі, арцыбіскуп
Санта Марчана.
У тагачаснай “бессэнсоўнай бойні” дзядуля папы Францішка страціў
шмат саслужыўцаў. 78-й пехотны полк, у якім ён прахадзіў службу з 1916 г., згубіў
882 чалавека забітымі, 1573 – зніклымі без вестак і 3846 – параненымі. Джаванні Берголіа
выжыў, а пасля вайны атрымаў грашовую ўзнагароду ў 200 лір. Успамінамі пра драму І
Сусветнай вайны ён часта дзяліўся са сваімі ўнукамі, сярод якіх быў і будучы Пантыфік.
Пасля
малітвы за мір, напрыканцы літургіі, папа Францішак урычыў трынаццаці прысутным вайсковым
ардынарыям лампады, якія будуць запалены ў розных дыяцэзіях, падчас набажэнстваў прымеркаваных
да 100-годдзя з пачатку І Сусветнай вайны. Развітаўшыся з вернікамі, Святы Айцец вярнуўся
ў Ватыкан.