Ռայի Պատրիարք. «Արեւելքը Քրիստոնեաներուն բնօրրանն է եւ անոնք փոքրամասնութիւններ չեն»
Ուաշինկթընի մէջ տեղի ունեցող Համայն արեւելքի քրիստոնեայ հոգեւոր պետերու եւ պատրիարքական
խորհրդաժողովին ընթացքին իր արտասանած խօսքին մէջ մարոնի համայնքի Պշարա Ռայի պատրիարքը
շեշտեց, որ Արեւելքը քրիստոնեաներուն բնօրրանն է` աւելցնելով սակայն, որ այսօր անոնց
գոյութիւնը այդ շրջանին մէջ ջնջուելու ենթակայ է` նկատի ունենալով անոնց դէմ գործուած
բռնաճնշումները: Ռայի պատրիարքը հաստատեց, որ գործուած այս բռնարարքները մարդկութեան
դէմ արձանագրուած ոճիր կը նկատուին` աւելցնելով, որ նախ եւ առաջ արաբական եւ իսլամական
աշխարհը, իսկ երկրորդ հերթին Արեւմուտքը պէտք է գիտնան, որ Արեւելքի մէջ քրիստոնեաները
փոքրամասնութիւններ չեն, այլ` շրջանին հիմնական բնակիչները, որոնք երկու հազար տարիէ
ի վեր կան` Իրաքի, Սուրիոյ, Լիբանանի, Եգիպտոսի եւ Յորդանանի մէջ: «Քրիստոնեաներն
են, որոնք կառուցած են այդ պետութիւնները` առեւտրական, տնտեսական, մշակութային, կրօնական
եւ հոգեւոր առումով, հետեւաբար մենք փոքրամասնութիւններ չենք: Ամբողջ աշխարհը ստիպուած
է կասեցնելու այս արշաւը եւ ահաբեկչական այս կազմակերպութիւններուն ֆինանսաւորումն ու
զօրակցութիւնը կասեցնելու միջոցներ որդեգրելու», ըսաւ ան: