Сярод экспертаў будучага Сінода – італьянская сужэнская пара
Франка і Джузэпіна
Міяна – сужэнцы і бацькі, якія выступяць на ІІІ Надзвычайнай сесіі Сінода Біскупаў
у якасці экспертаў, перакананы, што форум стане цудоўнай магчымасцю для разважання
пра тое, што знаходзіцца ў сэрцы кожнага хрысціяніна і Касцёла – праблемы сям’і ў
сённяшнім свеце. Абодва сужэнцы – італьянцы. Яны займаюцца выкладчыцкай дзейнасцю
ў вышэйшых навучальных установах. Франка Міяна – былы кіраўнік руху “Каталіцкая акцыя”
у Італіі. Яго жонка, Джузэпіна – прафесар тэалогіі ў адным з універсітэтаў Неапаля.
“Мы пераканыны ў важнасці апавядання пра тое, што сям’я – гэта перад усім прыгажосць,
любоў і радасць; але таксама складанасці, цяжкасці, якія можна ўспрымаць пазітыўна,
з увагай. Перш за ўсё трэба казаць пра магчымасць існавання прыгожага сямейнага жыцця:
гэта тое, што мы павінны рабіць, што павінны даць новым пакаленням. У пэўным сэнсе
гэта наш абавязак”, лічыць Франка Міяна.
На думку яго жонкі, Джузэпіны, прысутнасць
сужэнскіх пар на Сіноде з’яўляецца каштоўнай, таму што “калі размова ідзе пра сям’ю
– гаворка не ідзе пра нешта абстрактнае, але пра жыццёвую рэальнасць, адносіны, у
якія глыбока ўваходзіць досвед, з якога складаецца чалавечае жыццё”.
Сужонкі
выказалі спадзяванне, што Сінод Біскупаў стане “цудоўнай магчымасцю, асветленай Духам”,
падчас якой будуць уважліва выслуханы сведчанні аб рэальнасці сямейнага жыцця і гэта
дапаможа Касцёлу быць побач з людзьмі, “весці іх на сустрэчу з Панам, які змяняе жыццё,
робіць яго прыгожым і ззяючым, а таксама вызваляе лепшы чалавечы патэнцыял”.
Акрамя
Франка і Джузэпіны Міяна, у Сінодзе Біскупаў прымуць удзел яшчэ 13 сужэнскіх пар,
але, не ў якасці экспертаў, а аўдытараў – гэта значыць з правам выступлення, але без
права голасу падчас галасаванняў.