Rubrika: Papa Françesku në Tiranë, më 21 shtator: Kisha e populli, në pritje…
Atmosferën e pritjes, që vijon të bëhet gjithnjë më festive në Shqipëri, në prag të
vizitës së Papës Françesku, e sjell sot në programin tonë Nëna e Motrave Bazilìane,
Elena Lulashi. Kur Gjon Pali II shkelte në trojet shqiptare, ajo quhej Regjina,
ishte vajzë e re shembullore, bijë e një familjeje, që i dhuroi Kishës një Martir,
atë Lekë Sirdanin e një dëshmitar feje e historian të shquar, atë Marin Sirdanin.
Nën diktaturë, i kishte të gjitha rrugët e mbyllura. Nën Shenjën e Kryqit, sot është
e para murgeshë shqiptare që drejton një institut rregulltar të Kishës katolike universale.
Kjo është Nënë Elena, në mikrofonin tonë. Pjesa e parë e intervistës: