Համաշխարհային տնտեսական համախմբումի հրապարակած երկիրներու մրցունակութեան վարկանիշին
համաձայն Հայաստան 85-րդ դիրքին վրայ է։
Համաշխարհային տնտեսական համախմբումը հրապարակած է 2014-2015 տարիներուն համար պետութիւններու
համաշխարհային մրցունակութեան վարկանշային աղիւսակը, որ կազմուած է 12 հիմնական չափանիշներու
հիման վրայ` պետութեան կառոյցներու, ենթակառոյցներու, մաքրոտնտեսական միջավայրի, առողջապահութեան
եւ կրթութեան մարզերու ցուցանիշներու, ապրանքներու շուկայի եւ աշխատաւորներու արդիւնաւէտութեան,
ելեւմտական շուկայի զարգացման, ճարտարագիտական պատրաստութեան, շուկայի ծաւալներու եւ
այլն: Յառաջատար տասնեակին մէջ կը գտնուին Զուիցերիան, Սինկափուրը, Միացեալ Նահանգները,
Ֆինլանտան, Գերմանիան, Ճափոնը, Հոնկ Քոնկը, Հոլանտան, Բրիտանիան եւ Շուէտը: 144 երկիրներու
շարքին մէջ Հայաստան այս տարի 85-րդն է (անցեալ տարի 79-րդն էր), Իրանը 83-րդն է, Ազրպէյճանը`
38-րդը, Վրաստանը` 69-րդը, իսկ Թուրքիան` 45-րդը: Ինչ կը վերաբերի Լիբանանի, անիկա կը
գտնուի 113-րդ դիրքին վրայ, Եգիպտոսը` 119-րդ, Ալճերիան` 79-րդ, Յորդանանը` 64-րդ, իսկ
Կիպրոսը` 58-րդ: Վերջին երեք դիրքերը կը գրաւեն Եմենը, Չատը եւ Կինէն: