Papa, të krishterëve të persekutuar: Kisha krenohet me bij si ju!
Gjatë audiencës së përgjithshme, Papa përshëndeti shtegtarët e gjuhës arabe, posaçërisht
të ardhurit nga Iraku. Ja si u shpreh Françesku: “Kisha është
nënë e, si të gjitha nënat, di t’i shoqërojë bijtë e saj nevojtarë, të ngrejë përsëri
në këmbë birin e rënë, të mjekojë të sëmurin, të kërkojë të humburin, të zgjojë të
dremiturin; e edhe t’i mbrojë bijtë e pambrojtur e të persekutuar. Sot dua t’i siguroj
posaçërisht këta të fundit, të pambrojturit e të persekutuarit, për afërsinë time:
jeni në zemër të Kishës; Kisha vuan me ju, krenohet me bij si ju. Jeni forca e saj,
dëshmia konkrete dhe e vërtetë e mesazhit të saj të shëlbimit, të faljes, të dashurisë.
Ju përqafoj të gjithë, të gjithë! Zoti ju bekoftë e ju mbrojtët!”.