Нямецкі кардынал прывітаў абранне польскага палітыка кіраўніком Еўрасавета
“Касцёл павінен будаваць
масты прымірэння і быць носьбітам супакою”, нагадаў падчас успаміну 75-годдзя пачатку
ІІ Сусветнай вайны старшыня Канферэнцыі Біскупаў Германіі і Камісіі епіскапатаў краін
Еўрапейскага Саюза кардынал Рэйнхард Маркс. Пурпурат прыняў удзел у мерапрыемствах,
якія прайшлі 1 верасня 2014 г. у Варшаве. “Досвед вайны, тэрора і насілля ў Іраку,
Сірыі і ва Украіне абавязвае нас, як хрысціян, несці сведчанне міру і бараніць годнасць
усіх людзей”, падкрэсліў іерарх. Паводле кардынала Маркса, прапаведванне Евангелля
павінна рэалізоўвацца “праз намаганні на карысць супакою і справядлівасці”, і “дзякуючы
малітве і ўдзелу ў літургіі, супрацьстаяць ізаляцыянізму і нацыяналізму”.
Высокі
нямецкі іерарх назваў абранне прэм’ер-міністра Польшчы Дональда Туска старшынёй Еўрапейскага
Савета “сімвалам пазітыўнай інтэграцыі і будучага развіцця кантынента”. “Я думаю,
што гэты выбар будзе ў інтарэсах усёй Еўропы, якая прагне адзінства заснаванага на
каштоўнасцях і народжанага на хрысціянскіх каранях”, падкрэсліў іерарх. Досвед усходне-еўрапейскіх
краін, на яго думку, з’яўляецца “асабліва важным” для ўсяго кантынента.