27 ആഗസ്റ്റ് 2014, സത്തനാ സത്തനാ രൂപതാദ്ധ്യക്ഷന് സ്ഥാനത്യാഗം ചെയ്തു. വടക്കെ ഇന്ത്യയിലെ
സത്തനാ സീറോ-മലബാര് രൂപതാദ്ധ്യക്ഷന്, ബിഷപ്പ് മാത്യു മാര് വാണിയക്കിഴക്കേലാണ് പ്രായപരിധിയെത്തിയതിനെ
തുടര്ന്ന് ഔദ്യോഗിക പദവിയില്നിന്നും വിരമിച്ചത്.
കാനോനിക പ്രായപരിധി 75-വയസ്സ്
എത്തിയതിനെ തുടര്ന്ന് അദ്ദേഹം സമര്പ്പിച്ച സ്ഥാനത്യാഗാപേക്ഷ പാപ്പാ ഫ്രാന്സിസ് അംഗീകരിക്കുന്ന
പ്രഖ്യാപനം ആഗസ്റ്റ് 27-ാം തിയതി ബുധനാഴ്ച വത്തിക്കാന് പ്രസിദ്ധീകരിച്ചതോടെയാണ് വിന്സെന്ഷ്യന്
സഭാംഗമായ ബിഷപ്പ് മാത്യു മാര് വാണിയക്കിഴക്കേല് സ്ഥാനത്യാഗിയായത്.
ഭോപാല്
അതിരൂപതാ പ്രവിശ്യയില്പ്പെട്ട സത്തനാ മിഷന് 1977-ലാണ് സീറോ മലബാര് എപ്പാര്ക്കായി
ഉയര്ത്തപ്പെട്ടത്. കേരളത്തിലെ സീറോ മലബാര് സഭയില്പ്പെട്ട വിന്സെന്ഷ്യന് സഭാംഗങ്ങളാണ്
സത്തനായില് അജപാലന ശുശ്രൂഷചെയ്തുപോരുന്നത്.
സ്ഥാനത്യാഗം ചെയ്ത ബിഷപ്പ് മാത്യു
വാണിയക്കിഴക്കേല് കേരളത്തിലെ ഇടുക്കി സ്വദേശിയും രൂപതാംഗവുമാണ്.