Новая марыйная статуэтка з’явіцца ў Ватыканскіх садах
28 жніўня 2014 г.
у Ватыканскіх садах будзе ўстаноўлена статуэтка Маці Божай Міласэрнасці з Эль Кобрэ
– апякункі Кубы і ўсіх кубінцаў. Гаворка ідзе пра маленькую стылізаваную копію фігуркі,
арыгінал якой захоўваецца ў марыйным санктуарыі ў Сант’яга-дэ-Куба. Яна карыстаецца
вялікая пашанай у кубінскіх католікаў, а таксама ўяўляе вялікую каштоўнасць для нацыянальнай
гісторыі вострава. На цырымоніі ўстанаўлення фігуркі будзе прысутнасць арцыбіскуп
Сант’яга-дэ-Куба Дыянісій Гарсія Ібанэс, іншыя кубінскія іерархі, а таксама кіраўніцтва
Дзяржавы Ватыкан і дыпламаты.
Перад статуэткай Маці Божай Міласэрнасці з Эль
Кобрэ ў Сант’яга-дэ-Куба маліліся два Пантыфікі: св. Ян Павел ІІ у 1998 г. і Бэнэдыкт
XVI, у 2012 г. Апякункай Кубы яе абвясціў Бэнэдыкт XV у 1916 г., а каранавана папскім
каронамі яна была ў 1998 г.
Традыцыя апавядае, што статуэтка Маці Божай была
знойдзена трыма падлеткамі ў водах Нэйпскай бухты каля 1612 г. Маладыя здабытчыкі
солі апынуліся ў моры падчас буры і моцна прасілі Панну Марыю аб ратаванні. Калі бура
закончылася, яны ўбачылі на хвалях сухую фігурку Маці Божай прывязаную да дошкі, на
якой было напісана: “Я Маці Міласэрнасці”.
У Ватыканскіх садах знаходзіцца
некалькі скульптур, санктуарыяў і гротаў прысвечаных Панне Марыі. Сярод іх бронзавая
копія абраза Маці Божай Чэнстахоўскай, якая з’яўляецца апякункай ватыканскага геліапорта
і абраза Маці Божай Добрай Рады з Джэнаццана, грота Маці Божай Лурдскай і Маці Божай
Апекі, якая была пабудавана ў 1917 г. па ініцыятыве Бэнэдыкта XV. У 2013 г. тут была
ўстаноўлена копія скульптуры Маці Божай з Суяпы, апякункі Гандураса.