Кардынал: Папа перадаў іракскім бежанцам 1 млн. долараў
Папа Францішак перадаў
на патрэбы іракскіх бежанцаў 1 млн. амерыканскіх долараў, распавёў агенцтву “CNA”
кардынал Фернанда Філоні, прэфект Кангрэгацыі Евангелізацыі Народаў. 12-20 жніўня
2014 г. пурпурат знаходзіўся ў Іраку, у якасці спецыяльнага пасланніка Святога Айца.
У тым ліку ён наведаў сталіцу Курдыстана, горад Ібрыл, у якім знайшлі прытулак каля
70 тыс. хрысціян. Гэты горад знаходзіцца ў 70 км ад так званага “Ісламскага Халіфата”
– тэрыторыі акупаванай джыхадзістамі, на якой падвяргаюцца смяротнаму пераследу ўсе,
хто не вызнае суніцкі іслам.
Перад абліччам трываючага насілля, на думку кардынала
Філоні, неабходна ўмяшанне з мэтай спынення агрэсара. “Касцёл не патрымлівае ніякія
войны. Апраўданым, аднак, з’яўляецца права на самаабарону. Але хрысціяне ў Іраку не
маюць зброі. Таму неабходна, каб хто-небудзь – у дадзеным выпадку законныя ўлады краіны
– абаранілі меншасці, асабліва тыя, якім пагражае найбольшая небяспека”, - сказаў
ён. Пурпурат падкрэсліў, што рашэнне аб інтэрвенцыі павінна прыняць ААН, а Касцёл
не будзе казаць міжнароднай супольнасці, што канкрэтна яна павінна рабіць.