Հայաստանի կառավարութիւնը Իրաքի Եզիտիներուն աջակցելու համար կը տրամադրէ 100 հազար տոլար
Հայաստանի Հանրապետութեան կառավարութեան որոշումով արտաքին գործոց նախարարութեան պիտի
փոխանցուի 100 հազար ամերիկեան տոլարի համարժէք դրամ` Իրաքի մէջ ներքաղաքական բախումներու
պատճառով տուժած եւ իրենց բնակավայրերէն տեղահանուած եզիտիներուն օգնութիւն տրամադրելու
նպատակով: Այս մասին երէկ կառավարութեան նիստին որոշման նախագիծ ներկայացուց արտաքին
գործոց փոխնախարար Շաւարշ Քոչարեան: Գումարը պիտի տրամադրուի Հայաստանի Հանրապետութեան
2014 թուականի պետական պիւտճէով նախատեսուած կառավարութեան պահեստի ֆոնտին հաշուոյն: