Францішак патэлефанаваў бацькам амерыканскага журналіста, забітага ў Іраку
21 жніўня 2014 г.
папа Францішак патэлефанаваў бацькам амерыканскага рэпарцёра Джэймса Фоулі, варварскі
забітага ісламскімі тэрарыстамі ў Іраку, каб выказаць ім сваю блізкасць і раздзяліць
іх боль. Бацькі забітага журналіста былі вельмі ўзрушаны і ўдзячны Святому Айцу за
падтрымку, распавёў амерыканскі езуіт кс. Джэймс Марцін. 40-гадовы Джэймс Фоулі быў
католікам. Ён закончыў езуіцкі універсітэт ў Маркецце, у штаце Вісконсін. Са сваімі
выкладчыкамі журналіст заўсёды знаходзіўся ў кантакце: апавядаў пра свае перамяшчэнні
па тэрыторыям ахопленым вайной, пра гуманітарныя ініцыятывы, у якіх прымаў удзел,
але, перад усім, прасіў падтрымліваць яго малітвай. Менавіта малітва на ружанцы –
як ён сам расказаў у адным з лістоў – давала яму сілу і ўнутраную свабоду, падчас
зняволення ў Лівіі ў 2011 г., а затым і ў Сірыі ў 2012 г.
Маці Джэймса Фоулі
адзначыла, што ганарыцца адвагай, якую яе сын прадэманстраваў ахвяруючы сваім жыццём,
каб паказаць свету пакуты народаў, а таксама звярнуўшыся да тэрырыстаў з просьбай
аб вызваленні іншых закладнікаў. 26 жніўня, у езуцкім універсітэце Вісконсіна адбудзецца
малітоўнае чуванне ў памяць аб загінуўшым журналісце.